अख्तियार दुरुपयोग अनुसन्धान आयोग

प्रशासनिक संगठन

केन्द्रीय स्तरमा आयोगको सचिवालय रहेको छ जसको प्रमुखमा नेपाल सरकारद्वारा नियुक्त सचिव रहने ब्यवस्था छ । नेपाल सरकारद्वारा स्वीकृत दरवन्दीमा नेपाल सरकारवाटै खटाइएका कर्मचारीहरु सचिवालयमा रहने ब्वस्था छ । आयोगको कार्य प्रकृति र त्यसमा गर्नुपर्ने अनुसन्धानको कारवाहीमा तत्सम्बन्धी विषयको दक्ष जनशक्तिको आवश्यकता पर्ने हुँदा न्याय-प्रशासन-लेखा-बैंक-प्राविधिक-प्रहरी आदी क्षेत्रका ब्यक्तिहरुवाट सो पदहरु पूर्ति हूने गरेको छ । आयोगमा ६ वटा अनुसन्धा महाशाखाहरु -प्रशासन महाशाखा-योजना महाशाखा-प्रहरी महाशाखा र मुद्दा महाशाखा गरी १० वटा महाशाखाहरु रहेका छन् भने अनुसन्धानको कार्य प्रकृति अनुसार वैधानिक आर्जनको श्रोत पुष्टी नभएको सम्पत्ति छानवीन कार्य टोली र नक्कली शैक्षिक प्रमाणपत्र छानवीन इकाईको व्यवस्था गरिएको छ । साथै आयोगमा कार्यरत कर्मचारीहरुको क्षमता अभिबृद्धि गर्न योजना महाशाखा अन्तर्गत तालिम शाखा स्थापना गरिएको छ । त्यसैगरी अनुसन्धान कार्यमा प्रभावकारिता ल्याउन योजना महाशाखा अन्तर्गत ब्यवस्थापन सूचना इकाइ र प्रहरी महाशाखा अन्तर्गत ईन्टेलिजेन्स इकाईको पनि स्थापना गरिएको छ । अदालतमा दायर भएका मुद्दाहरुको प्रतिरक्षाका लागि आयोग रमहान्यायाधिवक्ताको कार्यालयको समन्वयमा एक विशेष शाखाको समेत व्यवस्था गरिएको छ ।हाल आयोगमा स्वीकृत दरवन्दी तर्फ २०१ मध्ये १८४ - पुल दरवन्दी तर्फ २० मध्ये १२ - फाजिलमा परी काज खटिएका ९ तथा आयोगवाट माग भई काजमा खटिएका ५३ समेत गरी जम्मा २५८ कर्मचारी कार्यरत छन् ।

अधिकार प्रत्यायोजन

आयोगको ब्यापक क्षेत्राधिकारको सन्दर्भमा आयोगको प्रशासनिक संगठनलाई स्थानीय तहमा विस्तार गर्ने सम्बन्धमा दीर्घकालीन सोच रहेको छ । हाल क्षेत्रीय प्रशासक तथा प्रमुख जिल्ला अधिकारीहरुलाई तोकिएको शर्त बमोजिम आयोगको अधिकार प्रयोग गर्न पाउने गरी अधिकार सुम्पी कार्य सम्पादन गर्ने व्यवस्था मिलाइएको छ । साथै पाईल६ जिल्लाको रुपमा झापा-मोरङ-धनुषा-पर्सा-चितवन-कास्की-रुपन्देही-दाङ-वाँके र कैलाली गरी १० जिल्लाहरु र पाँचवटै क्षेत्रिय प्रशासन कार्यालयहरुमा आयोगको वेग्लै इकाई स्थापना गरी भ्रष्टाचार एवं अनुचित कार्यका उजुरीहरु उपर आवश्यक कारवाही भइरहेको छ ।

संगठन तालिका

• प्रमुख आयुक्त
• आयुक्तहरु
• सचिव
• अनुसन्धान महाशाखाहरु
• मुद्दा महाशाखा
• योजना महाशाखा
• प्रशासन महाहाखा
• प्रहरी महाशाखा

संगठन तालिका चित्रमा हेर्नको लागि तल दिइएको लिंकमा क्लिक गर्नुहोस् ।