Online
Complaint

जिल्ला महोत्तरी, मटिहानी नगरपालिका वडा नं. ५ का वडाध्यक्ष राम बहादुर महतो र सहायक कम्प्युटर अपरेटर (करार) अैबुल राईनउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति:- मिति २०७८।०७।१४ गते।
------------------------------------------


जिल्ला महोत्तरी, मटिहानी नगरपालिका वडा नं. ५ का वडाध्यक्ष राम बहादुर महतो र सहायक कम्प्युटर अपरेटर अैबुल राईनले जन्म दर्ताको सिफारिस गरिदिएवापत सेवाग्राहीसँग घुस/रिसवत माग गरेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बर्दिवासबाट खटिई गएको टोलीले निजहरुलाई सेवाग्राहीबाट रु.१०,०००।– (दश हजार रुपैयाँ) घुस/रिसवत लिइसकेको अवस्थामा मिति २०७८।०६।।२४ गते नियन्त्रणमा लिइएको थियो ।

अनुसन्धानको सिलसिलामा जिल्ला महोत्तरी मटिहानी नगरपालिका वडा नं. ५ का वडा अध्यक्ष राम बहादुर महतोले जन्म दर्ता बनाउने कार्यका लागि सेवाग्राहीसँग लाग्ने शुल्कको कुरा नगरी सिधै घुस/रिसवत रकम रु.१०,०००।- माग गरी रकम मोलमोलाइ गरी आफ्नो पद, ओहोदा र अधिकारको दुरुपयोग गरी भ्रष्टाचार गर्ने बदनियतपूर्ण मनसाय राखी घुस/रिसवत लिएको स-प्रमाण पुष्टि हुन आएकोले निज वडा अध्यक्ष राम बहादुर महतोको उक्त कार्य भ्रष्टाचार निवारण ऐन, २०५९ को दफा ३ को उपदफा (१) को कसूर अपराध गरेको देखिँदा निजलाई बिगो रु.१०,०००।- (दश हजार रुपैयाँ) कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (क) बमोजिम सजाय हुन मागदाबी लिइएको छ ।

साथै जिल्ला महोत्तरी मटिहानी नगरपालिका ५ नं. वडा कार्यालयका सहायक कम्प्युटर अपरेटर (करार) अैबुल राईनले जन्म दर्ता बनाउने कार्यका लागि पेश गरेका चाहिने कागजात आफूले लिई सेवाग्राहीसँग घुस/रिसवतका लागि कुराकानी गरी, घुस/रिसवतवापतको रकम लिन मिलेमतो गरी लाग्ने शुल्कको कुरा नगरी सिधै घुस/रिसवत रकम रु.१०,०००।- माग गरी रकम मोलमोलाई गरी आफ्नो पद, ओहोदा र अधिकारको दुरुपयोग गरी भ्रष्टाचार गर्ने बदनियतपूर्ण मनसाय राखी घुस/रिसवत लिने कार्यमा वडा अध्यक्ष राम बहादुर महतोलाई सहयोग गरेकोले निज सहायक कम्प्युटर अपरेटर अैबुल राईनको उक्त कार्य भ्रष्टाचार निवारण ऐन, २०५९ को दफा ३ को उपदफा (१) को कसुर अपराध गरेको देखिँदा निजलाई बिगो रु.१०,०००।- (दश हजार) कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा १ को खण्ड (क) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ।

प्रवक्ता
नारायण प्रसाद रिसाल

Download Now
  

Other Press Release

जिल्ला सप्तरी, कन्चपुर न.पा. वडा नं. १ बस्ने कमल किशोर राज यादव उपर बिगो रु. ५०,०००।- कायम गरी घुस/रिसवत सम्बन्धी भ्रष्टाचार मुद्दामा प्रतिकूल बकपत्र गरेको सम्बन्धी आरोप-पत्र दायर।
2021/11/30
अनिरुद्र पब्लिक माध्यमिक विद्यालय, कपिलवस्तुका तत्कालीन प्रधानाध्यापक देवेन्द्रमणी त्रिपाठी र लेखापाल असर्फि यादव उपर बिगो रु. ७,८२,६५१।६० कायम गरी सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/11/29
मनसुता सामुदायिक वन उपभोक्ता समुह, दाङका तत्कालीन अध्यक्ष कुल बहादुर खत्रीसमेत ३ जना उपर बिगो रु. ४,५६,०००।– कायम गरी सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/11/25
जिल्ला महोत्तरी, गौशाला नगरपालिका ५, रामनगरस्थित सशस्त्र प्रहरी बल, सुरक्षा वेस क्याम्पमा कार्यरत सशस्त्र प्रहरी बरिष्ठ हवल्दार राजीशरण साहसमेत २ जना उपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2021/11/22
जलस्रोत तथा सिंचाइ विकास डिभिजन कार्यालय, बसुन्धारा, काठमाण्डौंमा कार्यरत सव इन्जिनियर दिपेन्द्र कुमार के.सी.उपर बिगो रु.२,००,०००/- कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2021/11/22
ईलाका प्रहरी कार्यालय, सिमरौनगढ बारामा कार्यरत प्रहरी नायव निरीक्षक विरेन्द्र महतोसमेत ३ जना उपर झुठ्ठा बिबरण पेश गरी भ्रष्टाचार गरेको सम्बन्धी आरोप-पत्र दायर।
2021/11/16