Online
Complaint

ईलाका प्रहरी कार्यालय, सिमरौनगढ बारामा कार्यरत प्रहरी नायव निरीक्षक विरेन्द्र महतोसमेत ३ जना उपर झुठ्ठा बिबरण पेश गरी भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति:- मिति २०७८।०७।३० गते।
------------------------------------------

ईलाका प्रहरी कार्यालय, सिमरौनगढ बारामा प्रहरी नायव निरीक्षक पदमा कार्यरत विरेन्द्र महतोले नेपाल प्रहरीमा भर्ना हुने बेलामा आफ्नो नागरिकता र S.L.C. को प्रमाणपत्रमा जन्म मिति सच्चाई किर्ते गरी नेपाल प्रहरीमा भर्ना भएको भन्ने उजुरीका सम्बन्धमा अनुसन्धान हुँदा प्रहरी नायब निरीक्षक विरेन्द्र महतोले नेपाल प्रहरीको प्रहरी जवान पदमा नियुक्ति हुँदा पेश गरेका प्रमाण-पत्रहरुमा जन्म मिति सच्याई पेस गरी नियुक्ति लिई बढुवा हुँदै प्रहरी नायव निरीक्षक पदमा कार्यरत रहेको हुँदा निज विरेन्द्र महतोले जन्म मिति सच्याई राष्ट्रसेवकको ओहदा पाई सो हैसियतले लाभ वा सुविधा लिई पदमा बहाल रहिरहने मनसाय राखी आफूलाई लाभ हुने र नेपाल सरकारलाई हानी पुर्‍याउने उद्देश्यले बदनियतपूर्ण तबरबाट भ्रष्टाचारजन्य कार्य गरेको प्रमाणित हुन आएको हुँदा निजले साविक भ्रष्टाचार निवारण ऐन, २०१७ को दफा  १२ र प्रचलित भ्रष्टाचार निवारण ऐन, २०५९ को दफा १६ को उपदफा (१) मा परिभाषित कसूर गरेको पुष्टि हुन आएकाले निज विरेन्द्र महतोलाई साविक भ्रष्टाचार निवारण ऐन, २०१७ को दफा  १२ र ऐ. ऐनको दफा २९ को उपदफा (२) एवं प्रचलित भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन मागदाबी लिइएको छ ।
साथै, श्री सरस्वती माध्यामिक विद्यालय, पिपरा, भलोहिया, रौतहटमा तत्काल कार्यरत प्रधानाध्यापक रविन्द्र झा र सोही विद्यालयमा कार्यरत शिक्षक (Issuing Assistant) मुकेश कुमार सिंहले निज विरेन्द्र महतोको CHARACTER CERTIFICATE र School Leaving Certificate मा प्रतिलिपि प्रमाणपत्र जारी गर्दा विद्यालयमा रहेको अभिलेखमा रहेको जन्म सच्याई प्रतिलिपि दिएको कार्यबाट आफूहरुलाई फाइदा हुने र नेपाल सरकारलाई हानी पुर्‍याई भ्रष्टाचार गर्ने र निज विरेन्द्र महतोलाई राष्ट्रसेवकको ओहदा पाई सो हैसियतले लाभ वा सुविधासमेत लिई भ्रष्टाचारजन्य कसुर गर्न मद्दत पुर्‍याउने मनसाय राखी बदनियतपूर्ण तवरले गरेको उक्त कार्य भ्रष्टाचार निवारण ऐन, २०५९ को दफा ९ मा परिभाषित कसूर गरेको पुष्टि हुन आएकोले तत्काल कार्यरत प्रधानाध्यापक रविन्द्र झा र शिक्षक मुकेश कुमार सिंहलाई भ्रष्टाचार निवारण ऐन, २०५९ को दफा ९ बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ।

प्रवक्ता
नारायण प्रसाद रिसाल

Download Now
  

Other Press Release

जिल्ला सप्तरी, कन्चपुर न.पा. वडा नं. १ बस्ने कमल किशोर राज यादव उपर बिगो रु. ५०,०००।- कायम गरी घुस/रिसवत सम्बन्धी भ्रष्टाचार मुद्दामा प्रतिकूल बकपत्र गरेको सम्बन्धी आरोप-पत्र दायर।
2021/11/30
अनिरुद्र पब्लिक माध्यमिक विद्यालय, कपिलवस्तुका तत्कालीन प्रधानाध्यापक देवेन्द्रमणी त्रिपाठी र लेखापाल असर्फि यादव उपर बिगो रु. ७,८२,६५१।६० कायम गरी सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/11/29
मनसुता सामुदायिक वन उपभोक्ता समुह, दाङका तत्कालीन अध्यक्ष कुल बहादुर खत्रीसमेत ३ जना उपर बिगो रु. ४,५६,०००।– कायम गरी सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2021/11/25
जिल्ला महोत्तरी, गौशाला नगरपालिका ५, रामनगरस्थित सशस्त्र प्रहरी बल, सुरक्षा वेस क्याम्पमा कार्यरत सशस्त्र प्रहरी बरिष्ठ हवल्दार राजीशरण साहसमेत २ जना उपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2021/11/22
जलस्रोत तथा सिंचाइ विकास डिभिजन कार्यालय, बसुन्धारा, काठमाण्डौंमा कार्यरत सव इन्जिनियर दिपेन्द्र कुमार के.सी.उपर बिगो रु.२,००,०००/- कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2021/11/22
ईलाका प्रहरी कार्यालय, सिमरौनगढ बारामा कार्यरत प्रहरी नायव निरीक्षक विरेन्द्र महतोसमेत ३ जना उपर झुठ्ठा बिबरण पेश गरी भ्रष्टाचार गरेको सम्बन्धी आरोप-पत्र दायर।
2021/11/16