Online
Complaint
visit nepal logo

अख्तियार दुरूपयोग अनुसन्धान आयोग

Commission for the Investigation of Abuse of Authority

भ्रष्‍टाचार विरुद्धको सहकार्य: सुशासनका लागि अपरिहार्य

जिल्ला नवलपरासी (बर्दघाट सुस्ता पश्चिम) सुनवल नगरपालिका वडा नं. ६ का डोर बहादुर कार्कीउपर घुस/रिसवत दिई भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति :- मिति २०७७।०३।१६ गते ।
-------------------------------------------------
सरकारी साक्षीको रुपमा बकपत्रको लागि विशेष अदालत काठमाडौंमा उपस्थित भएका जिल्ला नवलपरासी (बर्दघाट सुस्ता पश्चिम) सुनवल नगरपालिका वडा नं. ६ का डोर बहादुर कार्कीले आफैले आयोगमा उजुरी दिई वादी नेपाल सरकार प्रतिवादी केदार गिरीसमेतको सम्मानित विशेष अदालतमा दायर भएको मुद्दामा सरकारी साक्षीको रुपमा अदालतमा बकपत्र गर्दा प्रतिकुल बकपत्र गरेको प्रतिवेदनउपर अनुसन्धान हुँदा सिद्धार्थ मा.वि. कुशुम्हाका प्र.अ. लेखनाथ उपाध्याय र विद्यालय व्यवस्थापन समितिका अध्यक्ष केदार गिरीले नवलपरासी जिल्ला अन्तर्गत पाल्हिनन्दन गाउँपालिका वडा नं. ३ स्थित श्री सिद्धार्थ मा.वि. कुशुम्हाबाट श्री राजा महात्मा पूर्णभद्र मा.वि. बर्दघाट-९ पञ्चनगर नवलपरासीमा सरुवा भई आउने क्रममा सरुवा सहमति र रमानापत्र दिने प्रयोजनका लागि डोर बहादुर कार्कीसँग रु. ६५,०००।– घुस/रिसवत माग भएको भनी निज डोर बहादुर कार्कीले आयोगमा उजुरी दिई अनुसन्धानको काम कारवाहीमा सहयोग गरेको हुँदा निजउपर मुद्दा नचलाई सरकारी साक्षीको रुपमा प्रस्तुत गरिएकोमा निजले सम्मानित विशेष अदालतमा वकपत्र गर्दा झुठ्ठा एवं कपोलकल्पित व्यहोरा लेखाई निवेदन दिई अनुसन्धानका क्रममा गरेको सहयोग प्रतिकूल हुने गरी बकपत्र गरेको देखिएबाट निजउपर भ्रष्टाचार निवारण ऐन, २०५९ को दफा ५५ को प्रतिवन्धात्मक वाक्यांशको प्रावधान बमोजिम पुन: मुद्दा दायर गर्नुपर्ने देखिएको हुँदा निज डोर बहादुर कार्कीले आरोपिहरुलाई सजायबाट बचाउने उद्देश्यले विपरीत (झुठ्ठा) वकपत्र गरी भ्रष्टाचार निवारण ऐन, २०५९ को दफा ५५ को प्रतिवन्धात्मक वाक्यांशबमोजिम भ्रष्टाचार निवारण ऐन, २०५९ को दफा ३ को उपदफा (३) को कसुर अपराध गरेको देखिंदा निजलाई बिगो रु. ६५,०००।– कायम गरी भ्रष्टचार निवारण ऐन, २०५९ को दफा ३ को उपदफा (३) मा उल्लेख भए बमोजिम दफा ३ को उपदफा (१) र दफा ३ को उपदफा (१) को खण्ड (ग) बमोजिम सजाय हुन मागदाबी लिई आज विशेष अदालत, काठमाडौंमा आरोप-पत्र दायर गरिएको छ ।


प्रवक्ता
प्रदीपकुमार कोइराला

 

Download Now
  

Other Press Release

नेपाल बिद्युत प्राधिकरणको फोरमेनबाट अवकाश प्राप्त टहल बहादुर कार्कीउपर बिगो रु. १,०९,८७,६५८।- कायम गरी गैरकानूनी सम्पत्ति आर्जन गरेको सम्बन्धी आरोप-पत्र दायर ।
2020/06/30
खानेपानी तथा ढल व्यवस्थापन बिभाग पानीपोखरी काठमाडौंमा कार्यरत सि.डि.ई. राज कुमार शाक्यउपर बिगो रु. १०,७७,५०,४५३।– कायम गरी गैरकानूनी सम्पत्ति आर्जन गरेको सम्बन्धी आरोप-पत्र दायर ।
2020/06/30
जिल्ला प्रहरी कार्यालय, उदयपुर दरबन्दी भई मोरङ जिल्ला सि.आर.भी. कटहरीमा कार्यरत प्रहरी सहायक निरीक्षक सिताराम घिमिरेउपर घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/06/30
डिभिजन वन कार्यालय, ताप्लेजुङका सहायक वन अधिकृतद्वय जीवन कुमार यादव र बीरेन्द्र प्रसाद साहउपर बिगो रु. २,००,०००।– कायम गरी घुस/रिसवत लिई भ्रष्टाचार गरेको सम्बन्धी आरोप-पत्र दायर।
2020/06/30
जिल्ला नवलपरासी (बर्दघाट सुस्ता पश्चिम) सुनवल नगरपालिका वडा नं. ६ का डोर बहादुर कार्कीउपर घुस/रिसवत दिई भ्रष्टाचार गरेको सम्बन्धी आरोप-पत्र दायर।
2020/06/30
कोहलपुर नगरपालिका वडा नं. २, बाँकेका कमल बहादुर शाहीउपर बिगो रु. ४,००,०००।– कायम गरी घुस/रिसवत दिई भ्रष्टाचार गरेको सम्बन्धी आरोप-पत्र दायर।
2020/06/30
मालपोत कार्यालय सिमरा, बाराका तत्कालीन लेखापाल युगल किशोर ठाकुरउपर बिगो रु. ३,०४,९४,३०८।- कायम गरी गैरकानूनी सम्पत्ति आर्जन गरेको सम्बन्धी आरोप-पत्र दायर ।
2020/06/29