जिल्ला मुगु, छायाँनाथ रारा नगरपालिकाका तत्कालिन नगर उपप्रमुख तथा अनुगमन समितिका संयोजक, निमित्त प्रमुख प्रशासकीय अधिकृत, इन्जिनियर, ,वडाध्यक्ष,कार्यपालिकाका सदस्य समेत समेत ११ जना उपर गैरकानुनी लाभ तथा हानी पुर्याइ भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति:- मिति २०७९।११।१२ गते ।
----------------------------------------------------
जिल्ला मुगु, छायाँनाथ रारा नगरपालिकाका तत्कालिन नगर उपप्रमुख तथा अनुगमन समितिका संयोजक, निमित्त प्रमुख प्रशासकीय अधिकृत, इन्जिनियर, ,वडाध्यक्ष,कार्यपालिकाका सदस्य समेत ११ जना उपर गैरकानुनी लाभ तथा हानी पुर्याइ भ्रष्टाचार गरेको सम्बन्धी आरोप-पत्र दायर।--------------------------------------------------------------------------------

जिल्ला मुगु, छायाँनाथ रारा नगरपालिका वडा नं. ११ स्थित स्वास्थ्य चौकीमा ग्याविन पर्खाल निर्माण गर्दा नक्कली विल भरपाई बनाई रकम हिनामिना गरेको भन्ने उजुरी निवेदन सम्वन्धमा अनुसन्धान हुँदा ग्याविन पर्खाल निर्माण कार्य गर्दा हुँदै नभएको कार्यलाई नापी किताव, कार्य सम्पन्न प्रतिवेदन र झुट्टा भरपाई बनाई रु. रु.७,५७,३०७।६२ (सात लाख सन्ताउन्न हजार तीन सय सात रुपैयाँ बैसठ्ठी पैसा) रकम भुक्तानी लिने दिने कार्य गरी नेपाल सरकारलाई हानि नोक्सानी गरेको देखिँदा  छायाँनाथ रारा नगरपालिकाका तत्कालिन निमित्त प्रमुख प्रशासकीय अधिकृत ललितजङ्ग मल्ल, इन्जिनियर पदम बहादुर बुढा र सव-ओभरसियर (करार) गड बहादुर बुढालाई भ्रष्टाचार निवारण ऐन, २०५९ को दफा ८ को उपदफा (१) को देहाय (ग) र (ङ) बमोजिमको कसुरमा रु.७,५७,३०७।६२ (सात लाख सन्ताउन्न हजार तीन सय सात रुपैयाँ बैसठ्ठी पैसा) विगो कायम गरी भ्रष्टाचार निवारण ऐन, २०५९ को दफा ८ को उपदफा (१)  बमोजिम कैद र विगो बमोजिमको जरिवाना गरी विगो असुल उपर गर्न मागदाबी लिइएको छ।

यसै गरी छायाँनाथ रारा नगरपालिकाका तत्कालीन नगर उप-प्रमुख तथा अनुगमन समितिका संयोजक सुन्तला रोकाया, १३ नं. वडा कार्यालयका तत्कालीन वडा अध्यक्ष तथा अनुगमन समितिका सदस्य चक्र बहादुर सावत, तत्कालीन कार्यपालिकाका सदस्य तथा अनुगमन समितिका सदस्यहरु हजरकला कामी र हरिनी नेपालीले हुँदै नभएको कार्यलाई निर्माण सम्पन्न भएको भनी गलत अनुगमन प्रतिवेदन प्रतिवेदन पेश गरी रकम भुक्तानी लिने दिने कार्य गरी रु.७,५७,३०७।६२ (सात लाख सन्ताउन्न हजार तीन सय सात रुपैयाँ बैसठ्ठी पैसा) रकम हिनामिना गरी नेपाल सरकारलाई हानि नोक्सानी गरेको देखिन आएकोले निजहरुलाई भ्रष्टाचार निवारण ऐन, २०५९ को दफा १९ को  उपदफा (२) बमोजिम कैद र जरिवाना गर्न मागदाबी लिइएको छ।

साथै, छायाँनाथ रारा नगरपालिका, वडा नं. ११ का तत्कालीन वडा अध्यक्ष दान बहादुर बुढाले नभए नगरेका कुरा देखाई गलत सिफारिस गरी रकम भुक्तानी लिने दिने कार्य गरी रु.७,५७,३०७।६२ (सात लाख सन्ताउन्न हजार तीन सय सात रुपैयाँ बैसठ्ठी पैसा) रकम हिनामिना गरी नेपाल सरकारलाई हानि नोक्सानी गरेको देखिन आएकोले निजलाई भ्रष्टाचार निवारण ऐन, २०५९ को दफा ८ को उपदफा (३)  बमोजिम कैद र विगो बमोजिम जरिवाना गर्न मागदावी लिइएको छ।

यसैगरी उपभोक्ता समितिका अध्यक्ष जीवन बहादुर बुढा, सचिव केश बहादुर बुढा र कोषाध्यक्ष सृजना बढुवालले स्वास्थ्य चौकी ग्याविन पर्खाल निर्माण कार्य गर्दा झुट्टा भरपाई बनाई रकम भुक्तानी लिने दिने कार्य गरी रु. ७,५७,३०७।६२ (सात लाख सन्ताउन्न हजार तीन सय सात रुपैयाँ बैसठ्ठी पैसा) रकम हिनामिना गरी नेपाल सरकारलाई हानि नोक्सानी गरेको देखिँदा निजहरुलाई भष्टाचार निवारण ऐन, २०५९ को दफा ८ को  उपदफा (४) बमोजिमको कसुरमा रु.७,५७,३०७।६२ (सात लाख सन्ताउन्न हजार तीन सय सात रुपैयाँ बैसठ्ठी पैसा) विगो कायम गरी भ्रष्टाचार निवारण ऐन, २०५९ को दफा ८ को  उपदफा (४) बमोजिम सजाय गरी विगोसमेत जफत गर्न मागदाबी लिई अख्तियार दुरुपयोग अनुसन्धान आयोग ऐन, २०४८ को दफा १८, दफा २९ र दफा ३५ तथा भ्रष्टाचार निवारण ऐन, २०५९ को दफा ३६ बमोजिम विशेष अदालत, काठमाडौंमा आरोपपत्र दायर गरिएको छ।

 

प्रवक्ता
श्याम प्रसाद भण्डारी

Download Download
  

Other Press Release

सशस्त्र प्रहरी बल, नेपाल, नं.३६ गण हे.क्वा. डोटी दरबन्दीका सशस्त्र प्रहरी निरीक्षक प्रकाश बहादुर चन्द उपर नक्कली शैक्षिक प्रमाणपत्र सम्बन्धी आरोप-पत्र दायर।
2024/04/22
श्री नेपाल राष्ट्रिय प्राथमिक विद्यालय, बखरी, पर्साका प्राथमिक तहका शिक्षक जनार्दन प्रसाद कानु उपर अध्यापन अनुमति पत्र नक्कली सम्बन्धी आरोप-पत्र दायर।
2024/04/22
राष्ट्रिय सूचना प्रविधि केन्द्रका तत्कालिन कार्यकारी निर्देशक तथा नेपाल दुरसञ्चार कम्पनी लिमिटेड (नेपाल टेलिकम) का निलम्बित प्रबन्ध निर्देशक सुनिल पौडेल उपर बिगो रु.२३,७५,४६,३२४।५७ कायम गरी गैरकानूनी सम्पत्ति आर्जन गरी भ्रष्टाचार गरेको सम्बन्धी आरोप-पत्र दायर।
2024/04/21
सुरक्षण मुद्रण केन्द्र, सिंहदरवारका तत्कालीन कार्यकारी निर्देशक (हाल निलम्बित) पदमा कार्यरत विकल पौडेल उपर झुट्टा विवरण पेश गरी भ्रष्टाचार गरेको सम्बन्धी आरोप-पत्र दायर।
2024/04/21
सामाजिक विकास कार्यालय, डोल्पाका तत्कालीन कार्यालय प्रमुख धनञ्जय आचार्यसमेत ५ जनाउपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/04/16
जिल्ला मुगु, खानेपानी सिंचाई तथा उर्जा विकास कार्यालयका कार्यालय प्रमुख राजिव रिमालसमेत ५ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/04/14
ग्रामीण विकास लघुवित्त वित्तीय संस्था लिमिटेड (साविक मध्यमाञ्चल ग्रामीण विकास बैंक, शाखा कार्यालय, टाँडी, चितवन) का बरिष्ठ फिल्ड सहायक उदयकृष्ण अधिकारी उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/04/12