सबैला नगरपालिका नगर कार्यपालिकाको कार्यालय, धनुषाका तत्कालीन प्रमुख प्रशासकीय अधिकृत बालविर ठाकुर, सव-इन्जिनियर, निर्माण सेवाका प्रोप्राइटरसमेत ५ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।


प्रेस विज्ञप्ति:- मिति २०७९।०९।२६ गते ।
----------------------------------------------------

जिल्ला धनुषा सबैला नगरपालिका वडा नं. ५ मा आ.व. २०७७।०७८ मा संचालन भएको योजनाहरूमध्ये सबैला नगरपालिका वडा नं. 5 स्थित मखन टोलमा विनोद यादवको घरदेखि रितलाल यादवको घर हुँदै भुल्ला कापरको घरसम्म माटो तथा ग्राभेल कार्यमा नभएको कामको बिल भरपाई पेस गरी रकम अनियमितता गरेको भन्ने उजुरी निवेदन सम्बन्धमा जिल्ला धनुषा सबैला नगरपालिकाको आ.व. २०७७।०७८ मा संचालन भएको सबैला नगरपालिका वडा नं. ५ स्थित मखन टोलमा विनोद यादवको घरदेखि रितलाल यादवको घर हुँदै भुल्ला कापरको घरसम्म माटो तथा ग्राभेल कार्यको योजनामा फिल्डमा कम परिमाणको कामलाई बढी काम भएको नापी किताब तयार गरी मूल्याङ्कन गरेको तथा ठेक्का बिल र कार्य सम्पन्न प्रतिवेदनसमेत गलत लिखत तयार गरी भुक्तानीका लागि सिफारिस गरेको, लागत अनुमानको परिमाणमा कार्य सम्पन्न गर्नुपर्नेमा ठेकेदारले सो गर्न नसकेको, योजनाको भुक्तानीको सिफारिस गर्दा कम परिमाणको कार्यलाई प्राविधिक मापदण्ड अनुसार सम्पन्न भएको भनी वडा अध्यक्षले भुक्तानी सिफारिस गरी सरकारी रकम हिनामिना गर्ने कार्यमा भूमिका खेलेको, कम लागत अनुमानका टुक्रे योजना बनाई कार्यान्वयनमा लापरवाही गर्ने तथा फिल्डमा गरेका कार्यभन्दा बढी मूल्याङ्कन गराउने कसुर गरी भ्रष्टाचारजन्य काम गरेको हुन आएकोले उक्त भ्रष्टाचार कसूरमा संलग्न देहायबमोजिमका पदाधिकारीहरू र कर्मचारीहरूलाई देहायबमोजिमको सजाय हुन मागदाबी लिई अख्तियार दुरुपयोग अनुसन्धान आयोग ऐन, २०४८ को दफा १८ र दफा ३५ तथा भ्रष्टाचार निवारण ऐन, २०५९ को दफा 36 बमोजिम आज बिशेष अदालत, काठमाडौंमा आरोपपत्र दायर गरिएको छ । क्रमश..

(नोट: थप जानकारीको लागि डाउनलोडमा थिच्नुहोला)

प्रवक्ता
श्याम प्रसाद भण्डारी

 

 

Download Download
  

Other Press Release

सशस्त्र प्रहरी बल, नेपाल, नं.३६ गण हे.क्वा. डोटी दरबन्दीका सशस्त्र प्रहरी निरीक्षक प्रकाश बहादुर चन्द उपर नक्कली शैक्षिक प्रमाणपत्र सम्बन्धी आरोप-पत्र दायर।
2024/04/22
श्री नेपाल राष्ट्रिय प्राथमिक विद्यालय, बखरी, पर्साका प्राथमिक तहका शिक्षक जनार्दन प्रसाद कानु उपर अध्यापन अनुमति पत्र नक्कली सम्बन्धी आरोप-पत्र दायर।
2024/04/22
राष्ट्रिय सूचना प्रविधि केन्द्रका तत्कालिन कार्यकारी निर्देशक तथा नेपाल दुरसञ्चार कम्पनी लिमिटेड (नेपाल टेलिकम) का निलम्बित प्रबन्ध निर्देशक सुनिल पौडेल उपर बिगो रु.२३,७५,४६,३२४।५७ कायम गरी गैरकानूनी सम्पत्ति आर्जन गरी भ्रष्टाचार गरेको सम्बन्धी आरोप-पत्र दायर।
2024/04/21
सुरक्षण मुद्रण केन्द्र, सिंहदरवारका तत्कालीन कार्यकारी निर्देशक (हाल निलम्बित) पदमा कार्यरत विकल पौडेल उपर झुट्टा विवरण पेश गरी भ्रष्टाचार गरेको सम्बन्धी आरोप-पत्र दायर।
2024/04/21
सामाजिक विकास कार्यालय, डोल्पाका तत्कालीन कार्यालय प्रमुख धनञ्जय आचार्यसमेत ५ जनाउपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/04/16
जिल्ला मुगु, खानेपानी सिंचाई तथा उर्जा विकास कार्यालयका कार्यालय प्रमुख राजिव रिमालसमेत ५ जना उपर गैरकानूनी लाभ तथा हानी पुर्‍याई भ्रष्टाचार गरेको सम्बन्धी आरोप-पत्र दायर।
2024/04/14
ग्रामीण विकास लघुवित्त वित्तीय संस्था लिमिटेड (साविक मध्यमाञ्चल ग्रामीण विकास बैंक, शाखा कार्यालय, टाँडी, चितवन) का बरिष्ठ फिल्ड सहायक उदयकृष्ण अधिकारी उपर सार्वजनिक सम्पत्ति हानिनोक्सानी गरी भ्रष्टाचार गरेको सम्बन्धी आरोप-पत्र दायर।
2024/04/12