खानेपानी तथा सरसफाइ डिभिजन कार्यालय स्याङ्जामा कार्यरत इन्जिनियर (आठौं तह) बसी अख्तर मोहम्मद उपर आरोप-पत्र दायर गरिएको ।
विषय: आरोप-पत्र दायर गरिएको ।
---------------------------------------------------
खानेपानी तथा सरसफाइ डिभिजन कार्यालय स्याङ्जामा कार्यरत इन्जिनियर (आठौं तह) बसी अख्तर मोहम्मदले खानेपानी आयोजनाको भुक्तानी दिएकोमा विभिन्न बहाना बनाई सेवाग्राहीसँग कमिशन वापत घुस/रिसवत माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोगको कार्यालय पोखराबाट खटिई गएको टोलीले निज इन्जिनियर बसी अख्तर मोहम्मदलाई सेवाग्राहीसँग रू.४,००,०००।–(चार लाख) घुसबापतको रकम लिइसकेको अवस्थामा नियन्त्रणमा लिई अनुसन्धान हुँदा निज इन्जिनियर बसी अख्तर मोहम्मदले खानेपानी आयोजनाको कामको लागि सेवाग्राहीसँग आयोजनाको लागि निकासा भएको रकमबाट १८ देखि २०% रकम कमिशन बापत चाहिन्छ भनी रू.४,००,०००।–(चार लाख) घुस/रिसवत माग गरी लिई भ्रष्टाचार निवारण ऐन,२०५९ को दफा ३ को उपदफा (१) को कसुर गरेको
स-प्रमाण पुष्टि भएकोले निज बसी अख्तर मोहम्मदलाई बिगो रू.४,००,०००।- (चार लाख ) कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (घ) बमोजिम सजाय हुन मागदाबी लिई आज विशेष अदालत काठमाडौमा आरोप-पत्र दायर गरिएको छ ।
Tweet