नेपाल प्रहरी, साइबर ब्यूरो भोटाहिटीका तत्कालीन प्रहरी निरीक्षक बुद्धि प्रसाद सुवेदी उपर घुस/रिसवत लिई भ्रष्टाचार गरेको सम्बन्धी आरोपपत्र दायर।
प्रेस विज्ञप्ति:- मिति २०८१।०५।२७ गते।
------------------------------------------
नेपाल प्रहरी, साइबर ब्यूरो भोटाहिटीका तत्कालीन प्रहरी निरीक्षक बुद्धि प्रसाद सुवेदीले साइबर अपराध मुद्दाका प्रतिवादीको मुद्दा मिलाई दिन्छु भनी निजका दाजुसँग रु.९९,०००/- घुस/रिसवत लिई भ्रष्टाचारजन्य कार्य गरेको भन्ने उजुरी निवेदन सम्बन्धमा अनुसन्धान हुँदा निज प्रहरी निरीक्षक बुद्धि प्रसाद सुवेदीले साइबर अपराध मुद्दाका प्रतिवादीको मुद्दा मिलाई दिन्छु भनी निजका दाजुसँग रु.९९,०००/- घुस/रिसवत लिई भ्रष्टाचार निवारण ऐन, २०५९ अन्तर्गतको कसुर गरेको पुष्टि भएको हुँदा निज बुद्धि प्रसाद सुवेदीलाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा बिगो रु.९९,०००/- (उनान्सय हजार मात्र) कायम गरी भ्रष्टाचार निवारण ऐन, २०५९ को दफा ३ को उपदफा (१) को देहाय (ग) बमोजिम कैद सजाय गरी सोही ऐनको दफा ३ को उपदफा (१) अनुसा बिगो बमोजिम जरिवाना हुन मागदावी लिई आज बिशेष अदालत काठमाडौंमा आरोपपत्र दायर गरिएको छ।
प्रवक्ता
नरहरि घिमिरे
Download Download