प्रेस विज्ञप्ति:- मिति २०८०।११।२१ गते।

------------------------------------------

 

जिल्ला मुगु, साबिकको कालै गा.वि.स. वडा नं. ४ हाल सोरु गाउँपालिका वडा नं. ९ स्थित तन्दवाडा-छडा सिँचाई आयोजनामा आयोजनाका अध्यक्ष र कर्मचारीको मिलेमतोमा लागत अनुमान लुकाई इष्टिमेटअनुसार काम नगरी सरिया र सिमेन्ट पनि कम प्रयोग गरी न्यून गुणस्तरको काम गरी रकम हिनामिना गरेको भन्ने उजुरी निवेदन सम्बन्धमा अनुसन्धान हुँदा जिल्ला मुगुस्थित तन्दावाडा सिंचाई आयोजना उपभोक्ता समितिमार्फत निर्माण गर्न मिति २०७२।०८।१३ बाट आयोजना सुरु गरी मिति २०७३।०८।१३ सम्ममा कार्य सम्पन्न गर्ने गरी उपभोक्ता समिति र आयोजना विच सम्झौता भई उक्त तन्दवाडादेखि छडासम्मको सिँचाई आयोजनामा उपभोक्ता समिति गठन गरी Headwork’s/Intake construction Works, R.C.C. Canal lining Works, Pipeline Work, Collection Chamber, Gabion Protection Work र Aqueduct Construction को निर्माण कार्य गर्दा शर्त एवं सम्झौता विपरीत सम्झौता बमोजिमको कार्य नगरी इष्टिमेट अनुसारको काम सम्पन्न नभएको अवस्थामा समेत गलत प्राविधिक मूल्याङ्कन प्रतिवेदन तयार गरी नभए नगरेको कामको समेत पहिलो, दोस्रो र अन्तिम रनिङ विलहरु प्रमाणित गरी उपभोक्ता समितिलाई बास्तविक भए गरेको कार्य भन्दा रु.२६,८२,०१४।- (छब्बीस लाख बयासी हजार चौध रुपैयाँ) बढी भुक्तानी लिई/दिई नेपाल सरकारी/सार्वजनिक संस्थालाई गैरकानूनी हानिनोक्सानी पुर्‍याउने बद्‌नियतले उपभोक्ता समितिलाई भुक्तानी दिने/लिने कार्य गरे/गराएको पुष्टि भएको हुँदा उल्लिखित भ्रष्टाचार कसुरमा संलग्न प्रतिवादीहरूउपर देहायबमोजिमको सजाय र बिगो बमोजिमको जरिवाना गरी बिगो असुल उपर हुन मागदाबी लिई आज विशेष अदालत,काठमाडौंमा आरोपपत्र दायर गरिएको छ। क्रमश...

 

(नोट: थप जानकारीको लागि डाउनलोडमा थिच्नुहोला)

 

 

प्रवक्ता

नरहरि घिमिरे